തെന്നിന്ത്യയിൽ തന്നെ ഏറ്റവും ഹൈപ്പുള്ള സിനിമകളിൽ ഒന്നാണ് മണിരത്നവും കമൽ ഹാസനും ഒന്നിക്കുന്ന തഗ് ലൈഫ്. വലിയ താരനിര ഭാഗമാകുന്ന സിനിമയുടെ കഥാപശ്ചാത്തലവും കഥാപാത്രങ്ങളും സംബന്ധിച്ച അപ്ഡേറ്റുകൾക്കായി ഏവരും കാത്തിരിക്കുകയാണ്. ഇപ്പോഴിതാ ചിത്രത്തിന്റെ ഒരു അപ്ഡേറ്റ് പുറത്തുവിട്ടിരിക്കുകയാണ് സിനിമയുടെ അണിയറപ്രവർത്തകർ.
'ഒരു റൂൾ, ലിമിറ്റുകളില്ല. തഗ് ലൈഫിലേക്ക് ഇനി 75 ദിവസങ്ങൾ മാത്രം', എന്ന ക്യാപ്ഷനോടെയാണ് ടീം പുതിയ പോസ്റ്റർ പങ്കുവെച്ചത്. പുതിയ ലുക്കിലുള്ള കമൽ ഹാസനെയും ചിലമ്പരശനെയും പോസ്റ്ററിൽ കാണാനാകും. സിനിമയിലെ ആദ്യ ഗാനം ഉടൻ പുറത്തിറങ്ങുമെന്ന അപ്‌ഡേറ്റും അണിയറപ്രവർത്തകർ ഷെയർ ചെയ്തിട്ടുണ്ട്. നീണ്ട 37 വര്‍ഷങ്ങള്‍ക്ക് ശേഷം കമൽ ഹാസനും മണിരത്നവും ഒന്നിക്കുന്ന സിനിമയാണ് തഗ് ലൈഫ്. സിനിമയുടെ ടീസർ നേരത്തെ പുറത്തുവന്നിരുന്നു. മികച്ച പ്രതികരണമാണ് ടീസറിന് ലഭിച്ചത്. ജോജു ജോർജ്, തൃഷ, അഭിരാമി, ഐശ്വര്യാ ലക്ഷ്മി, നാസർ, അശോക് സെല്‍വന്‍, അലി ഫസല്‍, പങ്കജ് ത്രിപാഠി, ജിഷു സെന്‍ഗുപ്ത, സാന്യ മല്‍ഹോത്ര, രോഹിത് ഷറഫ്, വൈയാപുരി തുടങ്ങിയവരാണ് സിനിമയിലെ മറ്റു കഥാപാത്രങ്ങളെ അവതരിപ്പിക്കുന്നത്.
One Rule No Limits!75 Days to go #ThugLife #ThugstersFirstSingle Coming soon#ThuglifeFromJune5 #KamalHaasan #SilambarasanTR A #ManiRatnam Film@ikamalhaasan #ManiRatnam @SilambarasanTR_ @arrahman #Mahendran @bagapath @trishtrashers @AshokSelvan @AishuL_ @C_I_N_E_M_A_A… pic.twitter.com/YtcF1jnshs
കമല്‍ഹാസന്റെ രാജ്കമല്‍ ഫിലിംസിനൊപ്പം മണിരത്നത്തിന്‍റെ മദ്രാസ് ടാക്കീസും ഉദയനിധി സ്റ്റാലിന്‍റെ റെഡ് ജയന്‍റ് മൂവീസും ചേര്‍ന്നാണ് ചിത്രം നിര്‍മ്മിക്കുന്നത്. രംഗരായ ശക്തിവേല്‍ നായ്ക്കര്‍ എന്നാണ് ചിത്രത്തില്‍ കമല്‍ ഹാസന്‍ അവതരിപ്പിക്കുന്ന കഥാപാത്രത്തിന്‍റെ പേര്. മണിരത്‌നത്തിനൊപ്പം പതിവ് സഹപ്രവർത്തകരായ സംഗീതസംവിധായകൻ എ ആർ റഹ്‌മാനും എഡിറ്റർ ശ്രീകർ പ്രസാദും ഈ ചിത്രത്തിലും ഒരുമിക്കുന്നുണ്ട്. രവി കെ ചന്ദ്രന്‍ ആണ് തഗ് ലൈഫിന്റെ ഛായാഗ്രാഹകന്‍.
Content Highlights: Kamal Haasan - Maniratnam film Thug Life update out now